ກະຊວງການຕ່າງປະເທດນຳໜ້າ ໃນການນຳປະເທດເຊື່ອມໂຍງເຂົ້າກັບ ສາກົນ
ຕາມຂ່າວສານຫວຽດນາມ ລາຍງານວັນທີ 28 ກໍລະກົດ ນີ້ວ່າ: ກະຊວງການຕ່າງປະເທດນຳໜ້າໃນການນຳພາປະເທດຊາດເຊື່ອມໂຍງ
ເຂົ້າກັບພາກພື້ນ ແລະ ສາກົນ, ພິເສດແມ່ນຜ່ານບັນດາເສົາຄ້ຳປະຫວັດສາດຄືການເຂົ້າຮ່ວມ ASEAN, APEC, WTO ແລະ ລົງນາມ
ເຂົ້າຮ່ວມຂໍ້ຕົກລົງ, ຄຳໝັ້ນສັນຍາສາກົນຫຼາຍສະບັບ.
ນີ້ແມ່ນການຢັ້ງຢືນຂອງທ່ານ ບຸຍແທັງເຊີນ ຮອງນາຍົກລັດຖະມົນຕີ ລັດຖະມົນຕີການຕ່າງປະເທດ ທີ່ກອງປະຊຸມສຳມະນາວິທະຍາສາດ
ການຕ່າງປະເທດຍຸກປະທານໂຮ່ຈີມິນ: 80 ປີຮັບໃຊ້ປະເທດຊາດ ແລະ ປະຊາຊົນຢ່າງສຸດໃຈ ທີ່ໄດ້ດຳເນີນໃນວັນທີ 28 ກໍລະກົດ ຢູ່ນະຄອນ
ຫຼວງ ຮ່າໂນ້ຍ. ເນັ້ນໜັກເຖິງບັນດາຜົນສຳເລັດ ແລະ ການປະກອບສ່ວນຂອງຂະແໜງການຕ່າງປະເທດ ຫວຽດນາມໃນໄລຍະ 80 ປີຜ່ານມາ,
ທ່ານຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ໄດ້ຢັ້ງຢືນວ່າ: ການຕ່າງ ປະເທດສວມບົດບາດສຳຄັນໃນການສ້າງສັນຕິພາບ,
ທັບມ້າງການປິດລ້ອມ, ຂວ້ຳບາດ, ເປີດກວ້າງສະພາບການຕ່າງປະເທດດ້ວຍແນວທາງເອກະລາດ, ເປັນເຈົ້າຕົນເອງ, ຫຼາຍຝ່າຍ, ຫຼາຍຮູບແບບ,
ເພື່ອສັນຕິພາບ, ການຮ່ວມມື ແລະ ພັດທະນາ. ພິເສດ, ການຕ່າງປະເທດເສດຖະກິດໄດ້ກາຍເປັນໜ້າທີ່ໃຈກາງ, ແມ່ນກຳລັງໜູນສຳຄັນໃຫ້ແກ່
ການພັດທະນາປະເທດຊາດ.
ຫວຽດນາມ ໄດ້ດຶງດູດເງິນລົງທຶນ FDI ເປັນຈຳນວນນັບຮ້ອຍຕື້ໂດລາສະຫະລັດ ກາຍເປັນໜຶ່ງໃນ 20 ປະເທດທີ່ມີຂອບຂະໜາດການຄ້າ
ໃຫຍ່ທີ່ສຸດຂອງໂລກ, ແມ່ນໜຶ່ງຕາໂສ້ສຳຄັນໃນ ສັນຍາການຄ້າເສລີ 17 ສະບັບ, ຜູກມັດ ຫວຽດນາມ ກັບກວ່າ 60 ພື້ນຖານເສດຖະກິດຫຼັກ
ແຫຼ່ງໃນທົ່ວໂລກ. ກອງປະຊຸມ, ບັນດາຜູ້ແທນໄດ້ຍົກອອກຢ່າງຈະແຈ້ງຜົນສຳເລັດທາງດ້ານການຕ່າງປະເທດຂອງ ຫວຽດນາມໃນ 80 ປີຜ່ານມາ,
ຢັ້ງຢືນບັນດາການປະກອບສ່ວນອັນຍິ່ງໃຫຍ່ນີ້ເຂົ້າການພັດທະນາ ແບບຍືນຍົງຂອງປະເທດຊາດ.
ແຫຼ່ງທີ່ມາ: ຂກທ
ວັນທີ 31/07/2025