ມອບ-ຮັບ ໂຄງການກໍ່ສ້າງເຮືອນພັກພະນັກງານ ແລະ ສ້ອມແປງ,
ປັບປຸງສະໂມສອນກົມໃຫຍ່ເສນາທິການກອງທັບ
ພິທີ ມອບ-ຮັບ ໂຄງການກໍ່ສ້າງເຮືອນພັກພະນັກງານ ແລະ ສ້ອມແປງ, ປັບປຸງສະໂມສອນກົມໃຫຍ່ເສນາທິການກອງທັບ
ໃນວັນທີ 29 ພະຈິກ 2024 ນີ້, ກົມໃຫຍ່ເສນາທິການກອງທັບ ໄດ້ຈັດພິທີ ມອບ-ຮັບ ໂຄງການກໍ່ສ້າງເຮືອນພັກພະນັກງານ ບ້ານດົງ
ປ່າແຫຼບ, ເມືອງ ຈັນທະບູລີ ນະຄອນຫຼວງວຽງຈັນ ແລະ ສ້ອມແປງ, ປັບປຸງສະໂມສອນກົມໃຫຍ່ເສນາທິການກອງທັບ, ໂດຍການເຂົ້າຮ່ວມ
ເປັນປະທານຂອງ ສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມ
ໃຫຍ່ເສນາທິການກອງທັບ, ມີທ່ານ ອຸໄທ ພູມາລາວົງ ບໍລິສັດສະຫວັນໄຊກໍສ້າງ, ທ່ານ ຕຽງຄຳ ສອນຊ້າຍ ບໍລິສັດໂຊກໄຊປະຊາກໍ່ສ້າງ, ມີ
ຄະນະພັກ-ຄະນະບັນຊາ ກົມໃຫຍ່ເສນາທິການ, ກົມ ແລະ ຫ້ອງການ ເຂົ້າຮ່ວມ.
ໂອກາດນີ້, ທ່ານ ຕຽງຄຳ ສອນຊ້າຍ ບໍລິສັດໂຊກໄຊປະຊາກໍ່ສ້າງ ກໍໄດ້ກ່າວມອບໂຄງການກໍ່ສ້າງເຮືອນພັກພະນັກງານດົງປ່າແລບ ແລະ
ທ່ານ ອຸໄທ ພູມາລາວົງ ບໍລິສັດສະຫວັນໄຊກໍສ້າງ ໄດ້ກ່າວມອບໂຄງການສ້ອມແປງສະໂມສອນກົມໃຫ່ຍເສນາທິການກອງທັບ, ໂດຍກ່າວຮັບ
ຂອງ ສະຫາຍ ພັນເອກ ສີສະຫງຽມ ອຸດົມ ຫົວໜ້າຫ້ອງການບໍລິຫານ ກົມໃຫຍ່ເສນາທິການກອງທັບ, ໃນນີ້ສຳລັບໂຄງການກໍ່ສ້າງເຮືອນພັກ
ພະນັກງານດົງປ່າແລບ ປະກອບມີເຮືອນສອງຊັ້ນ 04 ຫ້ອງ ແລະ ເຮືອນຊັ້ນດຽວ 09 ຫ້ອງ ສາມາດຮອງຮັບໄດ້ 13 ຄອບຄົວ ເລີ່ມລົງມືກໍ່ສ້າງ
ວັນທີ 01/01/2023 ໂດຍແມ່ນບໍລິສັດຄູນໂຊກ ຮັບເໝົາກໍ່ສ້າງ ແລະ ສາມາດປະຕິບັດໂຄງການໄດ້ພຽງ 30% ມູນຄ່າ 1.597.728.000 ກີບ,
ຈົນຮອດກາງເດືອນ ມີຖຸນາ 2024 ບໍລິສັດໂຊກໄຊປະຊາກໍ່ສ້າງ ຈຶ່ງໄດ້ມາສືບຕໍ່ ຜູ້ຮັບເໝົາກໍ່ສ້າງຈົນສຳເລັດ 100% ໃນວັນທີ 30/10/2024
ໃຊ້ເວລາກໍ່ສ້າງ 06 ເດືອນ ໃນມູນຄ່າ 3.500.000.000 ກີບ ລວມມູນຄ່າກໍ່ສ້າງເຮືອນດົງປ່າແລບທັງໝົດ 5.097.728.000 ກີບ ແລະ
ໂຄງການສ້ອມແປງສະໂມສອນກົມໃຫ່ຍເສນາທິການກອງທັບ ປະກອບດ້ວຍ 5 ໜ້າວຽກ ຄື: ວຽກປັບປຸງດິນຫຍ້າ, ວຽກເທເດີ່ນເບຕົງພ້ອມ
ລົງສະແຕມ, ວຽກສ້ອມແປງຂັ້ນໃດ ດ້ານໜ້າສະໂມສອນ, ໄຟຟ້າ ແລະ ແອເຢັນ, ວຽກສີ, ໂດຍແມ່ນບໍລິສັດສະຫວັນໄຊກໍສ້າງເປັນຜູ້ຮັບເໝົາ
ເລີ່ມລົງມືສ້ອມແປງຕົ້ນເດືອນ 05/2024 ສຳເລັດ 01/11/2024 ໃຊ້ເວລາ 06 ເດືອນ ລວມມູນຄ່າສ້ອມແປງທັງໝົດ 2,427,346,146 ກີບ,
ທັງສອງໂຄງການທີ່ກ່າວມານັ້ນແມ່ນນຳໃຊ້ທຶນສະສົມປະຫຍັດຂອງກົມໃຫ່ຍເສນາທິການ.
ໂອກາດນີ້ ສະຫາຍ ພົນໂທ ຄຳລຽງ ອຸທະໄກສອນ ໄດ້ມີຄຳເຫັນເໜັນໜັກໃຫ້ພາກສ່ວນຮັບຜິດຊອບຈົ່ງພ້ອມກັນຈັດຕັ້ງປະຕິບັດໃນການ
ປົກປັກຮັກສາ ແລະ ນຳໃຊ້ ອາຄານສະຖານທີ່ດັ່ງກ່າວ ໃຫ້ເກີດປະໂຫຍດສູງສຸດ ຖືກຕ້ອງຕາມຈຸດປະສົງທີ່ ຄະນະນຳກົມໃຫ່ຍວາງອອກຄື: ແກ້
ໄຂສະພາບດ້ານທີ່ພັກອາໃສໃຫ້ພະນັກງານ ນັກຮົບ ແລະ ປັບປຸງສະໂມສອນ ກົມໃຫ່ຍເສນາທິການໃຫ້ມີໃບໜ້າອັນໃໝ່ ສວຍງາມທັນສະໄໝ
ເພື່ອຂ້ານັບຮັບຕ້ອນກອງປະຊຸມໃຫ່ຍຄັ້ງທີ VII ຂອງຜູ້ແທນສະມາຊິກພັກກົມໃຫ່ຍເສນາທິການ ທີ່ຈະໄຂຂຶ້ນໃນມໍ່ໆນີ້.
ແຫຼ່ງຂ່າວໂດຍ ຂກທ
ວັນທີ 03/12/2024