6 ເດືອນຕົ້ນປີ 2025 ຫ້ອງພະລາທິການ ທະຫານແຂວງຊຽງຂວາງ
ສ້າງເສດຖະກິດຈາກການປູກຝັງ-ລ້ຽງສັດໄດ້ 2 ຕື້ 3 ຮ້ອຍລ້ານກວ່າກີບ
ວຽກງານລ້ຽງດູທັບຂອງຫ້ອງພະລາທິການ ທະຫານແຂວງຊຽງຂວາງ
ໃນໄລຍະ 6 ເດືອນຕົ້ນປີທີ່ຜ່ານມາ, ເຖິງແມ່ນວ່າຈະມີຫຼາຍປັດໄຈ ທີ່ສົ່ງຜົນກະທົບຕໍ່ຊີວິດການເປັນຢູ່ຂອງພະນັກງານ-ນັກຮົບ ແຕ່ດ້ວຍ
ຄວາມເອົາໃຈໃສ່ຊີ້ນຳ-ນຳພາຢ່າງໃກ້ຊິດຕິດແທດ ຈາກກົມໃຫຍ່ພະລາທິການກອງທັບ ບວກໃສ່ຄວາມເອົາໃຈໃສ່ໃນການຊີ້ນຳ-ນຳພາ ຂອງຄະ
ນະພັກ-ຄະນະບັນຊາກອງບັນຊາການທະຫານແຂວງຊຽງຂວາງ ແລະ ຄວາມຮັບຜິດຊອບສູງ ຂອງພະນັກງານວິຊາສະເພາະ ກໍຄື ນາຍ ແລະ
ພົນທະຫານ ຈຶ່ງເຮັດໃຫ້ການຈັດຕັ້ງຜັນຂະຫຍາຍ 4 ໜ້າທີ່ໃຫຍ່ 26 ແຜນງານ ຂອງກະຊວງປ້ອງກັນປະເທດວາງອອກ ໂດຍສະເພາະແມ່ນ
ວຽກງານຮັບປະກັນດ້ານພະລາທິການກັບທີ່ ຢູ່ຫ້ອງພະລາທິການ ທະຫານແຂວງຊຽງຂວາງ ມີຜົນສຳເລັດຕາມແຜນການສາມາດເພິ່ງຕົນເອງ,
ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເຮັດໃຫ້ການແກ້ໄຂຊີວິດການເປັນຢູ່ຂອງນາຍ ແລະ ພົນທະຫານ ໃນທົ່ວກຳລັງທ້ອງຖິ່ນ
ມີຊີວິດການເປັນຢູ່ດີຂຶ້ນເລື້ອຍໆ.
ສະຫາຍ ພັນເອກ ພົມມີໄຊ ໄຊຍະຈິດ ຫົວໜ້າຫ້ອງພະລາທິການ ກອງບັນຊາການທະຫານແຂວງຊຽງຂວາງໄດ້ໃຫ້ຮູ້ວ່າ: ໂດຍພາຍໃຕ້
ການຊີ້ນຳ-ນຳພາ ຂອງຄະນະພັກ-ຄະນະບັນຊາແຕ່ລະຂັ້ນ ບັນດາກົມກອງທີ່ຂຶ້ນກັບ ໄດ້ເອົາໃສ່ຂຸດຄົ້ນທຸກຄວາມສາມາດ ແລະ ທ່າແຮງບົ່ມ
ຊ້ອນຂອງກົມກອງ ເຂົ້າໃນການປູກ ຝັງ-ລ້ຽງສັດ ຕາມທິດນຳ 4 ປູກ 4 ລ້ຽງ ແລະ ເນື້ອໃນຄຳຂວັນ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມ
ເຂັ້ມແຂງດ້ວຍຕົນເອງ ຂອງກົມໃຫຍ່ພະລາທິການກອງທັບວາງອອກ ຢ່າງເປັນຂະບວນການຟົດຟື້ນແຂງແຮງ ເຊິ່ງໃນໄລຍະທີ່ຜ່ານມາເຫັນວ່າ:
ມີຜົນສຳເລັດໃນຫຼາຍດ້ານທີ່ພົ້ນເດັ່ນເປັນຕົ້ນແມ່ນທະຫານແຂວງຊຽງຂວາງ ມີງົວລ້ຽງ 1.107 ໂຕ, ແບ້ 595 ໂຕ, ໝູ 149 ໂຕ, ສັດປີ 4.781
ໂຕ, ມີໜອງປາ 41 ໜອງ ປ່ອຍປາແລ້ວ 26.500 ໂຕ, ດ້ານການປູກຝັງເພື່ອຜະລິດເປັນສິນຄ້າ ມີເນື້ອທີ່ນາປີ 7,2 ເຮັກຕາ, ລົງແນວພັນປູກ
650 ກິໂລ ເປັນເງິນ 6 ລ້ານ 5 ແສນກີບ (ບໍ່ທັນເກັບກູ້), ມີເນື້ອທີ່ປູກພືດ 37.609 ຕາແມັດ, ເກັບກູ້ຜົນຜະລິດໄດ້ 45.445 ກິໂລ, ເປັນເງິນ
80 ລ້ານກວ່າກີບ, ເນື້ອທີ່ປູກຜັກຕາມລະດູການ 67.397 ຕາແມັດ, ເກັບກູ້ຜົນຜະລິດໄດ້ 110.159 ກິໂລ, ເປັນເງິນ 1 ຕື້ 3 ຮ້ອຍລ້ານກວ່າກີບ,
ມີເນື້ອທີ່ປູກຕົ້ນໄມ້ກິນໝາກ 91.076 ຕາແມັດ, ເນື້ອທີ່ປູກໄມ້ອຸດສະຫະກຳ 6,52 ເຮັກຕາ ສັງລວມແລ້ວໃນ 6 ເດືອນຕົ້ນປີ 2025 ຫ້ອງພະ
ລາທິການ ກອງບັນຊາການທະຫານແຂວງຊຽງຂວາງ ສາມາດສ້າງລາຍຮັບຈາກການປູກຝັງ-ລ້ຽງສັດ ໄດ້ 2 ຕື້ 3 ຮ້ອຍລ້ານກວ່າກີບ, ເຊິ່ງໄດ້ກາຍ
ເປັນທຶນຮອນອັນສຳຄັນເຂົ້າໃນວຽກງານພັດທະນາປັບປຸງກໍ່ສ້າງສະຖານທີ່ຄ້າຍຄູ, ທີ່ຢູ່ອາໄສຂອງກົມກອງ, ສະແດງອອກໄດ້ປັບປຸງສ້ອມແປງສະ
ຖານທີ່ຄ້າຍຄູທີ່ມີແລ້ວໃຫ້ໜາແໜ້ນຖາວອນ ຖືກຕາມແຜນຜັງຂອງກອງທັບ, ດ້ານວຽກງານກໍ່ສ້າງ ແລະ ຄຸ້ມຄອງຊັບສິນ ໄດ້ກໍ່ສ້າງເຮືອນນອນ
ແລະ ຫ້ອງນ້ຳກອງຮ້ອຍ 17 ວີລະຊົນ ທີ່ຂຶ້ນກັບກອງບັນຊາການທະຫານເມືອງແປກ ຂະໜາດ 12x20 ແມັດ ສຳເລັດ 80%, ມູນຄ່າ 286
ລ້ານກວ່າກີບ ເຊິ່ງແມ່ນທຶນຂອງກະຊວງປ້ອງກັນປະເທດ, ກໍ່ສ້າງຫ້ອງການກອງຮ້ອຍ 17 ວິລະຊົນ ສຳເລັດ 89% ໂດຍນຳໃຊ້ທຶນຂອງກົມກອງ.
ນອກຈາກນີ້, ຍັງໄດ້ອອກແບບກະລາລົດຂອງກອງບັນຊາການ, ຄິດໄລ່ວັດສະດຸສາງນ້ຳມັນເຊື້ອໄຟ ຂອງກອງບັນຊາການທະຫານແຂວງ ເພື່ອຈັດຕັ້ງ
ປະຕິບັດແຜນການກໍ່ສ້າງໃຫ້ສຳເລັດ ອັນພົ້ນເດັ່ນມີບາງກົມກອງ ສາມາດປັບປຸງສະຖານທີ່ຄ້າຍຄູດ້ານທຶນຂອງຕົນເອງ.
ສະຫາຍ ພັນເອກ ພົມມີໄຊ ໄຊຍະຈິດ ໃຫ້ຮູ້ຕື່ມອີກວ່າ: ສຳລັບທິດທາງແຜນການໃນ 6 ເດືອນທ້າຍປີ 2025 ຫ້ອງພະລາທິການ ກອງບັນ
ຊາການທະຫານແຂວງຊຽງຂວາງ ຈະສືບຕໍ່ຍູ້ແຮງການຜະລິດແກ້ໄຂຊີວິດການເປັນຢູ່ຂອງພະນັກງານ-ນັກຮົບ ໃຫ້ເປັນຂະບວນການຟົດຟື້ນແຂງ
ແຮງ ແລະ ມີປະສິດທິຜົນດີກວ່າເກົ່າ, ໂດຍສືບຕໍ່ນຳໃຊ້ທ່າແຮງຂອງກົມກອງ ເຂົ້າໃນການປະຕິບັດແຜນການທີ່ວາງໄວ້, ປະຕິບັດຄາດໝາຍກຸ້ມ
ຕົນເອງ, ເພິ່ງຕົນເອງທາງດ້ານຊີ້ນກິນ, ຜັກກິນໃຫ້ປະກົດຜົນເປັນຈິງ ພ້ອມນີ້, ກໍຕ້ອງໄດ້ສູ້ຊົນປູກພືດຜັກ, ການລ້ຽງສັດໃຫຍ່ເປັນສິນຄ້າໃຫ້ໄດ້
85% ຕາມແຜນການ, ສືບຕໍ່ປົກປັກຮັກສາສັດລ້ຽງ ແລະ ຜົນລະປູກທີ່ມີແລ້ວໃຫ້ມີການເຕີບໃຫຍ່ຂະຫຍາຍຕົວ ໄດ້ຮັບຜົນດີກວ່າເກົ່າ ເພື່ອສ້າງ
ລາຍຮັບໝູນໃຊ້ເຂົ້າໃນການປັບປຸງພັດທະນາກົມກອງ ໃຫ້ມີຄວາມແໜ້ນໜາຖາວອນ ແລະ ພັດທະນາຊີວິດການເປັນຢູ່ຂອງພະນັກງານ-ນັກຮົບ
ໃຫ້ດີຂຶ້ນເລື້ອຍໆ.
ແຫຼ່ງທີ່ມາ: ຄຳໃໝ່ ສັງທອງເພັດ
ວັນທີ 22/09/2025