ນູ​ແວນ​ເຊ​ລັງ ຊື້​ຍົນເຮລີກົບ​ແຕ​ຕ້ານ​ເຮືອ​ດຳ​ນ້ຳ MH-60R Seahawk
ຈາກ ສະຫະລັດ

​
ຍົນເຮລີກົບ​ແຕ​ຕ້ານ​ເຮືອ​ດຳ​ນ້ຳ MH-60R Seahawk

     ນູ​ແວນ​ເຊ​ລັງ ຍົກ​ລະດັບ​ກອງທັບ​ເຮືອ​ຂອງ​ຕົນ​ດ້ວຍ​ການ​ອະນຸມັດ​ໃຫ້​ຊື້​ເຮລີກົບ​ແຕ​ຕ້ານ​ເຮືອ​ດຳ​ນ້ຳ MH-60R Seahawk ຈາກ
ສະຫະລັດ ອາເມຣິກາ, ເພື່ອ​ເສີມ​ສ້າງ​ຂີດ​ຄວາມ​ສາມາດ​ໃນ​ການ​ລາດຕະເວນ​ທາງ​ທະເລ, ປົກ​ປ້ອງ​ຈາກ​ໄພ​ຂົ່ມຂູ່​ຕ່າງໆ​ອ້ອມ​ເກາະດອນ
ແລະເສີມ​ສ້າງ​ຄວາມ​ພ້ອມ​ໃນ​ການ​ສູ້​ຮົບ​ກັບ​ພັນທະ​ມິດ​ໃນ​ພາກ​ພື້ນ​ອິນ​ໂດ-ປາ​ຊີ​ຟິກ. MH-60R Seahawk ຜະລິດ​ໂດຍ Lockheed
Martin (Sikorsky), ມັນ​ມີ​ລະບົບ​ໂຊ​ນາ​ກວດ​ຈັບ​ເຮືອ​ດຳ​ນ້ຳ​ຄວາມ​ຖີ່​ຕ່ຳ, ລະບົບ​ສື່ສານ Link 16 MIDS-JTR, ລະບົບ​ກວດ​ຈັບ​ສະ
ໜາມ​ແມ່​ເຫຼັກ (MAD) ແລະ ອາວຸດ​ໜັກ​ລວມ​ທັງ​ລູກ​ສອນ​ໄຟ Hellfire, APKWS, torpedo Mk 54 ແລະ ປືນ​ກົນ M240D.
ສຳລັບ​ສັນຍາ​ເຮລິ​ກົບ​ແຕ 5 ລໍາມີ​ມູນ​ຄ່າ 1,64 ຕື້​ໂດ​ລາ ນູ​ແວນ​ເຊ​ລັງ, ດ້ວຍ​ງົບປະມານ​ດຳເນີນ​ງານ​ປະຈຳ​ປີ 110 ລ້ານ​ໂດ​ລາ ນູ​ແວນ​ເຊ​ລັງ.
ການ​ຈັດ​ສົ່ງ​ມີ​ກຳນົດ​ຈະ​ເລີ່ມ​ຕົ້ນ​ທີ່​ຖານ​ທັບ​ອາກາດ Whenuapai ຕັ້ງແຕ່​ປີ 2030 ເປັນຕົ້ນ​ໄປ. ເຊິ່ງ​ການ​ຈັດ​ຊື້​ກໍ່​ເພື່ອ​ເສີມ​ຂະຫຍາຍ​
ການ​ຮ່ວມ​ມື​ທີ່​ບໍ່​ມີ​ຂໍ້​ບົກ​ຜ່ອງ​ກັບ​ກອງທັບ​ອົດ​ສະ​ຕຣາ​ລີ ແລະ ສະຫະລັດ, ເສີມ​ສ້າງ​ຄວາມ​ໝັ້ນຄົງ​ທາງ​ທະເລ​ໃນ​ປາ​ຊີ​ຟິກ​ໃຕ້​ທ່າມກາງ​
ອິດ​ທິ​ພົນ​ທາງ​ ທະຫານ​ທີ່​ຂະຫຍາຍຕົວ​ຂອງ​ບັນດາ​ປະເທດ​ມະຫາ​ອຳນາດ. ການ​ຍົກ​ລະດັບ​ກອງທັບ​ເຮືອ​ຕ້ານ​ເຮືອ​ດຳ​ນ້ຳ​ໃຫ້​ຄວາມ​ໄດ້​
ປຽບ​ທາງ​ກອງທັບ​ເຮືອ ແລະ ສົ່ງ​ສັນຍານ​ເຕືອນ​ທີ່​ຊັດ​ເຈນ​ໄປ​ຍັງ​ຄູ່​ແຂ່ງ​ທີ່​ດຳເນີນ​ນະໂຍບາຍ​ການ​ຂະຫຍາຍ​ກອງທັບ​ເຮືອ​ໃນ​ພາກ​ພື້ນ.

ແຫຼ່ງທີ່ມາ: ຂກທ
ວັນທີ 02/11/2026