ຣັດ​ເຊຍ​ ສືບຕໍ່​ຜະລິດ​ປືນ​ກົນ SR-2M

​

     ຕາມ​ຂ່າວ​ການ​ທະຫານ​ຕ່າງປະເທດ​ລາຍ​ງານ​ວ່າ: ກຸ່ມ Kalashnikov ຂອງ​ຣັດ​ເຊຍ​ໄດ້​ປະກາດ​ສືບຕໍ່​ຜະລິດ​ປືນ​ກົນ SR-2M
ຂະໜາດ 9 ​ມມ ທີ່​ໄດ້​ຮັບ​ການ​ຍົກ​ລະດັບ​ຢ່າງ​ເປັນ​ທາງ​ການ, ປືນSR-2M ໃກ້​ຄຽງ​ກັບ​ປືນ​ກົນ 9x19 ​ມມ ແບບ​ເກົ່າ. ປືນ​ກົນ SR-2M
ຂະໜາດ 9 ​ມມ ທີ່​ທັນ​ສະໄໝ​ມີ​ກົນ​ໄກ​ທີ່​ດີ​ຂຶ້ນ,ໃຊ້​ຍິງ​ລູກ​ກະ​ສູນ​ຂະໜາດ 9x21 ​ມມ ໃນ​ຝັກ​ກະສຸນ 20 ຫຼື 30 ລູກ, SR-2M ແລະ
ສາມາດ​ໃຊ້​ລູກ​ກະສຸນ​ຂະໜາດ 9x21 ​ມມ ເຊັ່ນ SP-10 ແລະ SP-11 ລູກ​ກະສຸນ​ເຈາະ​ເກາະ SP-10ສາມາດ​ເຈາະ​ເກາະ​ອ່ອນ​ໄດ້​ໃນ​ໄລ
ຍະ​ໃກ້​ຫາ​ກາງ ​​​ໄລຍະ100-200 ແມັດ, SR-2M ສະເໜີ​ສອງ​ລຸ້ນ​ຄື​ແບບ​ສັ້ນ​ ແລະ​ ຍາວ.

     ອີງ​ຕາມ​ລາຍ​ງານ​ຂອງ Kalashnikov, ການ​ຍົກ​ລະດັບ​ປືນ​ແມ່ນ​ອີງ​ໃສ່​ການ​ປະຕິບັດ​ຕົວ​ງານ​ຈິງ​ຂອງ​ສະໜາມຮົບ​ໃຫ້​ມີ​ຄວາມ​
ກະທັດ​ຮັດ​ແລະ​ຄ່ອງ​ແຄ້ວ​ຂື້ນ​ຕື່ມ, ສິ່ງ​ທີ່​ໜ້າ​ສັງເກດ​ຄື:ກະບອກ​ປືນ​ໄດ້​ຫຼຸດ​ຂະໜາດ​ລົງ, SR-2M ມີ​ຄວາມ​ຍາວ 367 ​ມມ ເມື່ອ​ກະບອກ​
ປືນ​ພັບ​ລົງແມ່ນ 605 ​ມມ ເມື່ອ​ຍືດ​ອອກ ມີ​ນ້ຳໜັກ 1.55 ກິ​ໂລກ​ຣາມ (ບໍ່​ລວມ​ຝັກ​ກະສຸນ) ແລະ ມີ​ໄລຍະ​ຍິງ​ປະມານ 200 ແມັດ. ເມື່ອ
​ປຽບທຽບ​ກັບ​ລຸ້ນ​ກ່ອນ​ຊຸດ SR-2, SR-2M ຖື​ວ່າ,ສະດວກ​ກວ່າ​ສຳລັບ​ການ​ຕໍ່ສູ້​ໃນ​ໄລຍະ​ໃກ້, ການ​ທັນ​ເປັນ​ສະໄໝ​ມີ​ຈຸດປະສົງ​ເພື່ອ​ຍົກ​ລະ
ດັບ​ການ​ຍິງ ​ຫຼື​ ເພີ່ມ​ກຳລັງ​ການ​ຍິງ, ມີ​ຄວາມ​ໄວ​ໃນ​ການ​ຍິງ​ ແລະ​ ຄວາມ​ສະດວກ​ໃນ​ການ​ພົກ​ພາ​ໃນ​ສະພາບ​ແວດ​ລ້ອມ​ທີ່​ຄັບແຄບ, ການ​ທີ່​
ຣັດ​ເຊຍ​ສືບຕໍ່​ການ​ຜະລິດ​ປືນSR-2M ສະທ້ອນ​ໃຫ້​ເຫັນ​ເຖິງ​ການ​ລົງທຶນ ​ເພື່ອ​ຕອບ​ສະໜອງ​ຄວາມ​ຮຽກຮ້ອງ​ຕ້ອງ​ດ້ານ​ການ​ທະຫານ​ໃນ​ຍຸກ
​ແຂ່ງຂັນ​ອາວຸດ​ທັນ​ສະໄໝ​ໃນ​ໂລກ​ປັດຈຸບັນ.

ແຫຼ່ງທີ່ມາ: ຂກທ
ວັນທີ 03/03/2026