ເຮືອດຳນ້ຳບຸກຕີດ້ວຍພະລັງງານນິວເຄລຍລຸ້ນ Type-093B SSN
ເຮືອດຳນ້ຳລຸ້ນ Type-093B SSN
ເຮືອດຳນ້ຳລຸ້ນ Type-093B SSN ທີ່ບຸກຕີດ້ວຍລະບົບພະລັງງານນິວເຄລຍ ເປັນເຮືອດຳນ້ຳປະເພດໜຶ່ງທີ່ ຜະລິດຈາກສາທາລະ
ນະລັດ ປະຊາຊົນຈີນ ເຊິ່ງຈຸດປະສົງຜະລິດມາ ເພື່ອຮັບໃຊ້ໃນກອງທັບເຮືອໂດຍກົງ, ເຮືອດຳນ້ຳປະເພດດັງກ່າວ ຊື່ວ່າ Type-093B SSN,
ເຊິ່ງໄດ້ມີການເລີ່ມຕົ້ນກໍ່ສ້າງທີ່ທ່າເຮືອ ໂບຮາຍ ຮູລູດາວ Bohai Huludao, ຜະລິດໂດຍກອງທັບເຮືອ ສປ ຈີນ ທີ່ໄດ້ຮັບການພັດທະນາ
ຕໍ່ຍອດຈາກເຮືອດຳນ້ຳລຸ້ນ Type 091.
ລັກສະນະທົ່ວໄປຂອງເຮືອ Type-093B, ມັນມີຄວາມຍາວ 110 ແມັດ, ກວ້າງ 11 ແມັດ, ຄວາມໄວແລ່ນຢູ່ໃຕ້ນໍ້າປົກກະຕິ 26 ນ໊ອດ
ຫຼື 48.152 ກິໂລແມັດ ແລະ ສາມາດຮັບນໍ້າໜັກໄດ້ 8.500 ໂຕນ. ຕິດຕັ້ງລະບົບຍິງລູກສອນໄຟ VLS 24 ລຳ ແລະ ຕິດຕັ້ງລູກສອນໄຟນຳ
ທາງ YJ-18 ASCM ທີ່ມີໄລຍະຍິງໄກສູງສຸດກວ່າ 3.000 ກິໂລແມັດ, AJ-8, YJ-82, ທໍ່ປີໂດ ເຊິ່ງເປັນລູກສອນໄຟ ທີ່ສາມາດຍິງໃນນໍ້າ
ສາມາດຕິດຕັ້ງ ໄດ້ເຖິງຫົກທໍ່ທີ່ມີຄວາມກວ້າງ 533 ມມ ( ສີ່ທໍ່ຢູ່ຂ້າງ, ສອງທໍ່ຢູ່ດ້ານລຸ່ມ ), ສາມາດບັນທຸກ ອາວຸດຍຸດໂທປະກອນ ຕໍ່ປີໂດ
ປະເພດຕ່າງໆ, ລວມທັງຂີປະນາວຸດ ຕ້ານເຮືອ, ຕ້ານໜ້າທະເລ, ລູກສອນໄຟ ໄຮເປີໂຊນິກ ແລະ ລູກສອນໄຟນຳທາງດ້ວຍຄວາມໄວສູງແບບ
ໃໝ່, ມີຄວາມໄວສູງເຖິງ 200 ກິໂລແມັດຕໍ່ຊົ່ວໂມງ ແລະ ຄວາມເລິກຂອງການຍິງສູງສຸດຫຼາຍກວ່າ 1.500 ແມັດ.
ແຫຼ່ງທີ່ມາ: ຂກທ
ວັນທີ 18/08/2025