ຍົນ​ບໍ່​ມີ​ຄົນ​ຂັບ Supercam S350 ລຸ້ນ​ໃໝ່​ຂອງ​ຣັດ​ເຊຍ

​

     ທີ່​ງານວາງສະແດງອາວຸດ​ປ້ອງ​ກັນ​ຊາດ (WDS) 2026 ຈັດ​ຂຶ້ນ​ທີ່​ນະຄອນ ຣີ​ຢາດ ປະເທດ​ຊາ​ອຸ​ດິ​ອາ​ຣາ​ບີ, ຣັດ​ເຊຍ​ ໄດ້​ນຳ​ສະ
ເໜີຍົນ​ບໍ່​ມີ​ຄົນ​ຂັບ ຮຸ້ນ Supercam S350 (UAV). ນີ້​ແມ່ນ​ຍົນ​ສອດແນມ, ລາດຕະເວນ ແລະ ເຝົ້າ​ລະວັງ ທີ່​ຖືກ​ອອກ​ແບບ​ມາ​
ເພື່ອ​ໃຊ້​ງານ​ໃນ​ສະພາບ​ອາກາດ​ທີ່​ຮຸນ​ແຮງ ແລະ ໃຫ້​ຂໍ້​ມູນ​ການ​ກຳນົດ​ເປົ້າ​ໝາຍ​ໂດຍ​ກົງ​ແກ່​ກອງ​ປືນ​ໃຫຍ່ ແລະ ລູກ​ສອນ​ໄຟ. ຍົນ​ບໍ່
ມີ​ຄົນ​ຂັບ Supercam S350 UAV ມີ​ການ​ອອກ​ແບບ​ມໍ​ເຕີ​ໄຟຟ້າ​ ເພື່ອ​ຫຼຸດຜ່ອນ​ສຽງ​ລົບ​ກວນ ແລະ ວິທີ​ການ​ກູ້​ຄືນ​ດ້ວຍ​ຮົ່ມ​ຊູ
ຊີບ, ຊ່ວຍ​ໃຫ້​ເຮືອ​ບິນ UAV ສາມາດ​ເຮັດ​ວຽກ​ໄດ້​ຢ່າງ​ເປັນ​ອິດສະຫຼະ​ໂດຍ​ບໍ່​ຕ້ອງ​ມີ​ທາງ​ແລ່ນ​ທີ່​ກຽມ​ໄວ້​ລ່ວງ​ໜ້າ.

     Supercam S350 ເປັນ UAV ຍຸດທະວິທີ​ຂະໜາດ​ນ້ອຍ ແລະ ມີ​ປີກ​ຍາວ 3.2 ແມັດ, ປະສົມ​ປະສານ​ໃບ​ພັດ​ຢູ່​ດ້ານ​ໜ້າ.
ອີງ​ຕາມ​ຂໍ້​ມູນ​​ຈາກ​ບໍລິສັດ​ຜູ້​ຜະລິດ​ໃຫ້​ຮູ້​ວ່າ: UAV ສາມາດ​ສອດແນມ​ໄດ້​ໃນ​ເວລາ​ກາງເວັນ​ໂດຍ​ໃຊ້​ກ້ອງຖ່າຍຮູບ Full HD ທີ່​ມີ​
ການ​ຊູມ​ແບບ optical ສູງ​ເຖິງ 40x ແລະ ​ການ​ສອດແນມ​ໃນ​ຕອນ​ກາງຄືນ​ໂດຍ​ໃຊ້​ກ້ອງຖ່າຍຮູບ​ຄວາມ​ຮ້ອນ​ທີ່​ມີ​ຄວາມ​ລະອຽດ
HD ສູງ​ເຖິງ 4x, ຕອບ​ສະໜອງ​ຄວາມ​ຕ້ອງການ​ສຳລັບ​ການ​ປະຕິບັດ​ງານ​ຕໍ່ສູ້​ຢ່າງ​ຕໍ່​ເນື່ອງ​ທັງ​ກາງເວັນ ແລະ ກາງຄືນ, Supercam
S350 UAV ມີ​ນໍ້າໜັກ​ບີນ​ຂຶ້ນ​ສູງ​ສຸດ​ປະມານ 15 ກິ​ໂລກ​ຣາມ, ຄວາມ​ໄວ​ໃນ​ການບິນ 75 ຫາ 120 ກິໂລແມັດ​ຕໍ່​ຊົ່ວໂມງ ແລະ
ເພດານ​ຄວາມ​ສູງ 5.000 ແມັດ. ເວລາ​ບິນ​ສູງ​ສຸດ 330 ນາທີ, ລະດັບ​ສູງ​ສຸດ​ແມ່ນ​ຫຼາຍ​ກວ່າ 240 ກິໂລແມັດ, ໃນ​ຂະນະ​ທີ່​ລະດັບ​
ການ​ສື່ສານ​ແລະ​ ການ​ສົ່ງ​ຂໍ້​ມູນ​ແມ່ນ​ປະມານ 100 ກິໂລແມັດ.

ແຫຼ່ງທີ່ມາ: ຂກທ
ວັນທີ 19/02/2026