AM General ກຽມເປີດໂຕ ລົດ HUMVEE ຮຸ່ນປັບປຸງໃໝ່
ໃນງານ AUSA 2026
ລົດທະຫານ HUMVEE
ຂ່າວການທະຫານຕ່າງປະເທດ ເປີດເຜີຍວ່າ: ບໍລິສັດ AM General ຂອງສະຫະລັດ ກຽມຈັດສະແດງລົດທະຫານ HUMVEE
ຮຸ່ນປັບປຸງລະບົບຂັບເຄື່ອນໃໝ່ ໃນງານປະຊຸມ ແລະ ງານວາງສະແດງປະຈຳປີຂອງສະມາຄົມກອງທັບບົກສະຫະລັດອາເມຣິກາ (AUSA
2026) ທີ່ນະຄອນຫຼວງວໍຊິງຕັນ.
ຕາມຖະແຫຼງການຂອງບໍລິສັດ ການຜະລິດໃນໄລຍະທຳອິດຂອງໂຄງການປັບປຸງທີ່ແບ່ງອອກເປັນ 3 ໄລຍະ ມີແຜນຈະເລີ່ມຂຶ້ນໃນ
ທ້າຍປີ 2027. ຕາມຂໍ້ມູນຈາກ AM General, ລົດ HUMVEE ຮຸ່ນປັບປຸງ ໃໝ່ມີຝາກະໂປງໜ້າ ແລະ ກະຈັງໜ້າອອກແບບໃໝ່
ເພື່ອຮອງຮັບລະບົບຂັບເຄື່ອນທີ່ປັບປຸງຂຶ້ນ. ສ່ວນລະບົບລະງັບຖືກອອກແບບໃຫ້ຊ່ວຍເພີ່ມຄວາມຄ່ອງຕົວໃນການເຄື່ອນທີ່ ແລະ ຄວາມ
ທົນທານ ເມື່ອປະຕິບັດງານໃນພູມປະເທດທຸລະກັນດານ ຫຼື ສະພາບພື້ນທີ່ ທີ່ມີອຸປະສັກສູງ. ລະບົບຂັບເຄື່ອນຂອງ HUMVEE ຮຸ່ນໃໝ່
ໃຊ້ເຄື່ອງຈັກທີ່ມີລະບົບສີດນ້ຳມັນເຊື້ອໄຟໂດຍກົງແບບຄອມມອນເຣວ Common Rail ໃຫ້ກຳລັງສູງສຸດ 250 ແຮງມ້າ ແລະ ແຮງບິດ
ຫຼາຍກວ່າ 500 ປອນ. ເຄື່ອງຈັກດັ່ງກ່າວເຮັດວຽກ
ຮ່ວມກັບເກຍອັດຕະໂນມັດ 6 ຈັງຫວະ ທີ່ມີອັດຕາທົດເກຍກວ້າງ ເຊິ່ງຊ່ວຍໃຫ້ປັບ
ການສົ່ງກໍາລັງໃຫ້ເໝາະສົມກັບສະພາບການໃຊ້ງານໄດ້ຫຼາຍຮູບແບບ. ນອກນີ້ ລະບົບເລືອກຕຳແໜ່ງເກຍແບບອິເລັກໂທຣນິກ ຍັງຊ່ວຍ
ໃຫ້ການປັບຕັ້ງລະບົບສຳລັບລົດພວງມາໄລຊ້າຍ ຫຼື ພວງມາໄລຂວາເຮັດໄດ້ງ່າຍຂຶ້ນ. ລະບົບຂັບເຄື່ອນໃໝ່ນີ້ຈະຊ່ວຍເພີ່ມກຳລັງຂອງລົດ
ແລະ ປັບປຸງປະສິດທິພາບການປະຢັດນໍ້າ
ມັນເຊື້ອໄຟ. ສຳລັບການປັບ ປຸງໃນໄລຍະຕໍ່ໄປ ໂຄງການຈະ ເນັ້ນການຍົກລະດັບຫ້ອງໂດຍ
ສານໃຫ້ເໝາະສົມກັບສີລະສາດຂອງຜູ້ໃຊ້ງານຫຼາຍຂຶ້ນ, ຕິດຕັ້ງລະບົບຄວບຄຸມແບບດີຈີຕອນພາຍໃນຫ້ອງໂດຍສານ ແລະ ພັດທະນາ
ສະຖາປັດຕະຍະກຳລະບົບເອເລັກໂທຣນິກຂອງລົດໃຫ້ທັນສະໄໝຂຶ້ນ.ແຜນການຍັງລວມເຖິງການພັດທະນາຄວາມສາມາດໃນການ
ຂັບເຄື່ອນແບບອັດຕະໂນມັດຄວບຄູ່ກັບທາງເລືອກການຂັບຂີ່ໂດຍພະນັກງານປະຈຳລົດ ຕາມຂໍ້ມູນທີ່ບໍລິສັດເປີດເຜີຍ. ປະທານ ແລະ
ຜູ້ບໍລິຫານສູງສຸດ (CEO) ຂອງ ບໍລິສັດ AM General ກ່າວວ່າ ທາງບໍລິສັດ ມີຄວາມຄາດຫວັງສູງຕໍ່ງານ ວາງສະແດງ AUSA
ໃນປີນີ້ ເນື່ອງຈາກເປັນໂອກາດສຳຄັນ ໃນການນຳສະເໜີຂີດຄວາມສາ ມາດທີ່ພັດທະນາຂຶ້ນຕໍ່ກອງທັບບົກສະຫະລັດ ເຊິ່ງເປັນລູກຄ້າ
ທີ່ຮ່ວມງານກັບບໍລິສັດມາຢ່າງຍາວນານ ພ້ອມທັງສະແດງໃຫ້ເຫັນວ່າ: ບໍລິສັດກຳລັງປັບຕົວໃຫ້ທັນກັບການປ່ຽນແປງຢ່າງວ່ອງໄວຂອງ
ສະໜາມຮົບສະໄໝໃໝ່.
ລະບົບຂັບເຄື່ອນໃໝ່ໄປຈົນເຖິງຄວາມສາມາດໃນການເຮັດວຽກແບບອັດຕະໂນມັດຂັ້ນສູງ ແລະ ອຳນາດການທຳລາຍທີ່ເພີ່ມຂຶ້ນ
ລະບົບຂອງບໍລິສັດຈະເປັນພື້ນຖານທີ່ແຂງແກ່ນ ໃນການສະໜັບສະໜູນກຳລັງພົນ ແລະ ພາລະກິດຂອງພວກເຂົາ. ງານປະຊຸມ ແລະ
ງານວາງ ສະແດງປະຈຳປີຂອງສະມາຄົມ ກອງທັບບົກສະຫະລັດຈັດຂຶ້ນ ໃນວັນທີ 12-14 ຕຸລາ 2026 ທີ່ຜ່ານມາ ທີ່ສູນປະຊຸມ
Walter E. Washington.
ແຫຼ່ງທີ່ມາ: ຂກທ
ວັນທີ 21/10/2026