ຈີນ ທົດລອງລົດຕັງ VU-T10 UGV ແບບບໍ່ມີຄົນຂັບ
ລົດຕັງ VU-T10 UGV
ຕາມແຫຼ່ງຂ່າວ ເວັບໄຊ ໂກໂບທາມ ໄດ້ເປີດເຜີຍວ່າ: ຫວ່າງມໍ່ໆມານີ້, ບໍລິສັດ ໂນຣິງໂກ(Norinco) ອຸດສາຫະກຳ ພາກເໜືອຂອງຈີນ ໄດ້
ທົດລອງລົດຕັງ ແບບບໍ່ມີຄົນຂັບ ລຸ້ນໃໝ່ VU-T10 (UGV), ນີ້ຖືເປັນບາດກ້າວສຳຄັນໃນການເຊື່ອມໂຍງຫຸ່ນຍົນເຂົ້າໃນການຊ້ອມຮົບທາງບົກ,
ເຊິ່ງລົດດັ່ງກ່າວ ໄດ້ຖືກເປີດເຜີຍຄັ້ງທຳອິດໃນງານວາງສະແດງ ຈູໄຫ່ (Zhuhai) ປີ 2024 ແລະ ໄດ້ຮັບຄວາມສົນໃຈຕື່ມອີກ ຫຼັງຈາກວິດີໂອ ທີ່
ໄດ້ເປີດເຜີຍຢ່າງເປັນທາງການຈາກສື່ມວນຊົນ.
ບໍລິສັດ ໂນຣິງໂກ ໄດ້ອອກມາເປີດເຜີຍ ໃນວັນທີ 20 ກໍລະກົດ 2025 ວ່າ: ສະມັດຕະພາບຄວາມທັນສະ ໄໝໃນການພັດທະນາ ຮຸ່ນຍົນ
ແບບບໍ່ມີຄົນຂັບ ແມ່ນຂັບເຄື່ອນດ້ວຍລະບົບພະລັງງານໄຟຟ້າ ແລະ ມີຄວາມໄວໃນການເຄື່ອນທີ່ສູງສຸດ 60 ກິໂລແມັດຕໍ່ຊົ່ວໂມງ, ຊ່ວຍໃຫ້ລະ
ບົບປະຕິບັດການຢ່າງມີປະສິດທິພາບ ແລະ ທົນທານຕໍ່ສະພາບແວດລ້ອມທີ່ມີຄວາມກົດດັນສູງ, ທົນຕໍ່່ອຸນຫະພູມທີ່ມີຄວາມຮ້ອນ ແລະ ຄວາມ
ເຢັນ. ນອກຈາກນັ້ນ, ທາງບໍລິສັດ ຍັງກຳລັງພັດທະນາ ລົດຫຸ້ມເກາະ 8x8, ທີ່ໃສ່ຊື່ວ່າ "Mule," ເຊິ່ງອອກແບບມາເພື່ອຂົນສົ່ງອາວຸດຍຸດໂທປະ
ກອນໄປສູ່ສະໜາມຮົບ, ຕາມການສູ້ຮົບທີ່ທັນສະໄໝໃນຍຸກປັດຈຸບັນ.
ແຫຼ່ງທີ່ມາ: ຂກທ
ວັນທີ 29/07/2025