ດານມາກ ຈັດຊື້ລະບົບປ້ອງກັນອາກາດ ໄອຣິສ-ທີ
ເວັບໄຊຂ່າວການທະຫານອຸດສາຫະກຳປ້ອງຊາດເອີຮົບ ລາຍງານໃຫ້ຮູ້ວ່າ: ກະຊວງປ້ອງກັນປະເທດດານມາກ ໄດ້ເລືອກລະບົບປ້ອງກັນ
ໄພທາງອາກາດພາກພື້ນດິນ ໄອຣິສ-ທີ (IRIS-T SLM) ຈາກບໍລິສັດ Diehl Defense ຂອງ ເຢຍລະມັນ ສຳລັບຄວາມຕ້ອງການດ້ານ
ການປ້ອງກັນໄພທາງອາກາດ ແລະ ຂີປະນາວຸດພາກພື້ນດິນ (SBAMD) ສັນຍາດັ່ງກ່າວ, ໄດ້ລົງນາມຢ່າງເປັນທາງການໃນທ້າຍອາທິດ ຜ່ານ
ມານີ້.
ການຈັດຊື້ຄັ້ງນີ້, ໄດ້ຮັບການສະໜັບສະໜູນຈາກອົງການຈັດຊື້ ແລະ ການຈັດສົ່ງຂອງ ກະຊວງປ້ອງກັນປະເທດດານມາກ (DALO) ເຊິ່ງ
ໄດ້ອະນຸຍາດໃຫ້ສຳນັກງານການສະໜັບສະໜູນດ້ານບໍລິການຂອງກອງທັບເຢຍລະມັນ (BAAINBw) ດຳເນີນຕາມຂະບວນການ. ເຊິ່ງລະບົບ
ນີ້, ມີຈຸດປະສົງເພື່ອຫຼຸດຊ່ອງຫວ່າງດ້ານຂີດຄວາມສາມາດທີ່ສຳຄັນໂດຍການປົກປ້ອງພົນລະເຮືອນ, ກອງກຳລັງທະຫານ ແລະ ໂຄງສ້າງພື້ນຖານ
ທີ່ສຳຄັນຈາກການຂົ່ມຂູ່ທາງອາກາດ. ການຈັດຊື້ແມ່ນໄດ້ຖືກດຳເນີນໂດຍຜ່ານຂໍ້ຕົກລົງມາດຕະຖານ ໂຄງການລິເລີ່ມປ້ອງກັນທ້ອງຟ້າ ປະເທດ
ເອີຣົບ (ESSI), ເຊິ່ງອຳ ນວຍຄວາມສະດວກໃຫ້ແກ່ຂະບວນການຈັດຊື້ທີ່ໄວຂຶ້ນ ແລະ ມີປະສິດທິພາບຫຼາຍຂຶ້ນ. ດ້ວຍຂັ້ນຕອນນີ້, ເດນມາກ
ກາຍເປັນປະເທດທີ 8 ໃນກຸ່ມ ESSI ທີ່ນຳໃຊ້ລະບົບປ້ອງກັນໄພທາງອາກາດຂອງ Diehl Defense ມານຳໃຊ້ຖັດຈາກ ເຢຍລະມັນ, ແອັດ
ສະໂຕນີ, ລັດເວຍ, ສະໂລເວນີ, ບຸນກາຣີ, ຊູແອັດ ແລະ ສະວິດ.
ສຳລັບລະບົບປ້ອງກັນອາກາດ IRIS-T SLM ຂອງ Diehl Defence ຖືກອອກແບບ ເພື່ອຕ້ານໄພຂົ່ມຂູ່ເຊັ່ນ: ຍົນສູ້ຮົບ, ເຮລິກົບແຕ,
ອາວຸດປ່ອຍນຳວິຖີ ແລະ ໂດຣນ ໃນໄລຍະ 40 ກິໂລແມັດ ແລະ ລະດັບຄວາມສູງເຖິງ 20.000 ແມັດ, ໝູນໄດ້ 360 ອົງສາ, ໜ່ວຍຍິງແຕ່
ລະໝ່ວຍປະກອບດ້ວຍເຄື່ອງຍິງອາວຸດປ່ອຍ, ຣາດາ ແລະ ສູນປະຕິບັດການທາງຍຸດທະວີທີ, ອາໄຫຼ່, ຍານພາຫະນະ, ລູກປືນ ແລະ ສາມາດ
ໂຈມຕີຫຼາຍກວ່າ 15 ເປົ້າໝາຍພ້ອມກັນ. ປັດຈຸບັນ, ມີຜູ້ໃຊ້ລະບົບນີ້ 21 ປະເທດ.
ແຫຼ່ງທີ່ມາ: ຂກທ
ວັນທີ 12/08/2025