ເຢຍລະມັນໄດ້ປະກາດງົບປະມານ ໄລຍະຍາວ ມູນຄ່າ 9 ຕື້ເອີໂຣຕໍ່ປີໃຫ້ແກ່ອູແກຣນ
ຕາມແຫຼ່ງຂ່າວ ໂກໂບທາມ ກ່າວວ່າ: ທາງການຂອງ ກອງທັບເຢຍລະມັນ ໄດ້ປະກາດໃນຕົ້ນເດືອນພະຈິກ ທີ່ຜ່ານນີ້, ລັດຖະມົນຕີ
ເສດຖະກິດເຢຍລະມັນ ໄດ້ກະຕຸ້ນຄວາມສົນໃຈໃນທົ່ວເອີຣົບ ແລະ ຊາດສະມາຊິກ ອົງການສົນທິສັນຍາປ້ອງກັນອັດລັງຕິກເໜືອ, ຍ້ອນວ່າ
ບໍ່ພຽງແຕ່ເປັນ "ການຊ່ວຍເຫຼືອລ້າ." ນີ້ເປັນການລົງທຶນແບບຍຸດທະສາດທີ່ສະແດງໃຫ້ເຫັນຢ່າງຈະແຈ້ງວ່າ ເບີລິນ ກຳລັງວາງພື້ນ ຖານໃຫ້
ອູແກຣນ ຢືນຢູ່ດ້ວຍຕົນເອງໃນສົງຄາມໄລຍະຍາວ.
ການນຳໃຊ້ລະບົບ Patriot ເພື່ອເສີມຂະຫຍາຍກຳລັງທະຫານແຖວໜ້າ ແມ່ນເປັນບາດກ້າວທີ່ສຳຄັນໃນການເພີ່ມທະວີຄວາມສາ
ມາດປ້ອງກັນທາງອາກາດຂອງອູແກຣນ. ຍ້ອນວ່າ Patriot ຖືວ່າເປັນລະບົບປ້ອງກັນໄພທາງອາກາດທີ່ດີທີ່ສຸດໃນໂລກ, ສາມາດສະກັດ
ລູກສອນໄຟຄວາມໄວສູງ ແລະ ຍົນບໍ່ມີຄົນຂັບທີ່ມີຄວາມແມ່ນຍຳໃນລະດັບທີ່ດີທີ່ສຸດ. ສະນັ້ນການປະກາດຂອງເຢຍລະມັນ ໄດ້ກ່ຽວກັບ
ແຜນການຊ່ວຍເຫຼືອປະຈຳປີອັນໃຫຍ່ຫຼວງ ທີ່ມີມູນຄ່າສູງເຖິງ 9 ຕື້ເອີໂຣ ນັ້ນຍັງສະແດງໃຫ້ເຫັນເຖິງຄວາມຕັ້ງໃຈຂອງຕົນທີ່ຈະຮ່ວມມື
ດ້ານອຸດສາຫະກຳ ກັບ ອູແກຣນ.
ສິ່ງດັ່ງກ່າວໄດ້ເປີດໂອກາດໃຫ້ບັນດາບໍລິສັດອາວຸດຍຸດໂທປະກອນຂອງທັງສອງປະເທດຮ່ວມກັນພັດທະນາ ແລະ ຜະລິດອຸປະກອນ
ການທະຫານໃນອະນາຄົດ, ເຊິ່ງອາດຈະເຮັດໃຫ້ ອູແກຣນ ກາຍເປັນສູນອຸດສາ ຫະກຳປ້ອງກັນປະຊາດໃໝ່ຂອງເອີລົບຕາເວັນອອກ. ນີ້
ແມ່ນ "ແຜນການໄລຍະຍາວ" ເພື່ອສ້າງພັນທະມິດທີ່ເຂັ້ມແຂງລະຫວ່າງ Berlin ແລະ Kyiv ແບບຍືນຍົງໃນອະນາຄົດ.
ແຫຼ່ງທີ່ມາ: ຂກທ
ວັນທີ 13/11/2025