ກອງທັບອາກາດເຢຍລະມັນ ໄດ້ຮັບຍົນຂົນສົ່ງທາງທະຫານ A400M ລຳທີ 52
ຕາມຂ່າວການທະຫານຕ່າງປະເທດໃຫ້ຮູ້ວ່າ: ບໍລິສັດ Airbus Defence ໄດ້ສົ່ງມອບຍົນຂົນສົ່ງທາງທະຫານແບບ A400M
ລຳທີ 52 ໃຫ້ກັບກອງທັບເຢຍລະມັນ ແມ່ນສໍາເລັດຕາມແຜນ, ອີງຕາມຂໍ້ມູນຂອງ ບໍລິສັດ Airbus Defence and Space ວ່າ
ຍົນລຳດັ່ງກ່າວນີ້ເປັນຍົນຮຸ່ນ A400M ລຳທີ 52 ທີ່ຖືກສົ່ງມອບໃຫ້ແກ່ກອງທັບເຢຍລະມັນ ໂດຍເປັນສ່ວນໜຶ່ງຂອງໂຄງການປັບປຸງຈຸ
ຍົນຂົນສົ່ງທາງອາກາດຂອງກອງທັບ ເຢຍລະມັນ, ການສົ່ງມອບໃນຄັ້ງນີ້ເຮັດໃຫ້ກອງທັບອາກາດມີຍົນປະຕິບັດການເພີ່ມອີກ 1 ລໍາ, ເພື່ອ
ໃຊ້ໃນພາລະກິດຂົນສົ່ງທັງດ້ານຍຸດທະສາດ ແລະ ຍຸດທະວິທີເຊັ່ນ ການເຄື່ອນຍ້າຍກຳລັງພົນ, ການຂົນສົ່ງຂະໜາດໃຫຍ່ ແລະ ພາລະ
ກິດລະຫວ່າງປະເທດ. ບໍລິສັດ Airbus ລະບຸວ່າ A400M ໃຊ້ເຄື່ອງຈັກເທີໂບ 4 ເຄື່ອງ, ໃຫ້ກຳລັງແຮງປະມານ 44,000 ແຮງມ້າ,
ມີຄວາມໄວສູງສຸດ 750 ກິໂລແມັດຕໍ່ຊົ່ວໂມງ ແລະ ມີເພດານການບິນສູງສຸດຫຼາຍກວ່າ 8.700 ກິໂລແມັດ ແລະ ເມື່ອບັນທຸກເຄື່ອງ
ເຕັມທີ່ 37 ໂຕນ ຍັງສາມາດປະຕິບັດການໄດ້ໃນລະຍະໄກກວ່າ 3.300 ກິໂລແມັດ.
ຍົນຂົນສົ່ງຮຸ່ນນີ້ຖືກອອກແບບໃຫ້ສາມາດຂຶ້ນ-ລົງໄດ້ໃນຣັນເວທີ່ສັ້ນ ແລະ ຣັນເວທີ່ບໍ່ໄດ້ປູພື້ນ ເຮັດໃຫ້ສາມາດສະໜັບສະໜູນພາ
ລະກິດໃນສະພາບແວດລ້ອມທີ່ຫຍຸ້ງຍາກຄືກັບຍົນຂົນສົ່ງທົ່ວໄປບໍ່ສາມາດດຳເນີນການ, ຄວາມສາມາດນີ້ຊ່ວຍໃຫ້ A400M ສາມາດ
ຂົນສົ່ງ ແລະ ກຳລັງພົນໄປພື້ນທີ່ແນວໜ້າໄດ້ໂດຍກົງບໍ່ຈຳເປັນຕ້ອງເພິ່ງພາສະໜາມບິນທີ່ມີການພັດທະນາຢ່າງສົມບູນ. A400M ເປັນ
ຍົນທີ່ຫຼາຍພາລະບົດບາດເປັນຕົ້ນແມ່ນສາມາດຂົນສົ່ງລົດຕັງ-ຍານເກາະ, ຍົນເຮລິກົບແຕ, ພາເລດ ແລະ ຄວາມຊ່ວຍເຫຼືອດ້ານມະນຸດ
ສະທຳ. ນອກຈາກນີ້, ຍັງສະໜັບສະໜູນພາລະກິດອົບພະຍົບຜູ້ປ່ວຍ ແລະ ການສົ່ງສະບຽງອາຫານທາງອາກາດ ໂດຍຍົນຮຸ່ນນີ້ມີຂະ
ໜາດ ແລະ ນ້ຳໜັກບັນທຸກຢູ່ລະຫວ່າງຍົນລຳລຽງທາງຍຸດທະວິທີຂະໜາດນ້ອຍ ແລະ ເຮືອບິນລຳລຽງທາງຍຸດທະສາດຂະໜາດໃຫຍ່.
ເຢຍລະມັນເປັນໜຶ່ງໃນປະເທດຜູ້ໃຊ້ A400M ລາຍໃຫຍ່ທີ່ສຸດໂດຍນຳໃຊ້ໃນພາລະກິດປ້ອງກັນປະເທດ, ພັນທະກິດຂອງ NATO
ແລະ ການວາງກຳລັງໃນຕ່າງປະເທດ ກອງທັບອາກາດເຢຍລະມັນ Luftwaffe ໄດ້ນຳເອົາຍົນຮຸ່ນນີ້ໃຊ້ໃນພາລະກິດຫຼາຍຮູບແບບ ຕັ້ງ
ແຕ່ການສະໜັບສະໜູນການສົ່ງ, ກຳລັງເຝິກຊ້ອມທາງທະຫານໃນເອີຣົບ ໄປຈົນເຖິງການຂົນສົ່ງໄລຍະທາງທີ່ໄກ ສຳລັບການປະຕິບັດ
ການໃນຕ່າງປະເທດ. ຕາມການລະບຸຂອງ Airbus Defence ໄດ້ກ່າວອີກວ່າ: ປະສິດທິພາບຂອງ A400M ຈະຊ່ວຍໃຫ້ສາມາດ
ປະສານຄວາມໄວ, ນ້ຳໜັກບັນທຸກ ແລະ ຄຸນລັກສະນະເຫຼົ່ານີ້ຖືກອອກແບບເພື່ອສະໜັບສະໜູນການເຄື່ອນຍ້າຍກອງກຳລັງ ໃນສະພາບ
ການທີ່ຫຼາກຫຼາຍຮູບແບບການສົ່ງມອບໃນຄັ້ງນີ້ເປັນໄປຕາມແຜນການທີ່ກຳນົດໃວ້ ຢ່າງຕໍ່ເນື່ອງໃຫ້ແກ່ກອງທັບອາ ກາດ ເຢຍລະມັນ
ເນື່ອງຈາກ Airbus ຍັງປະຕິບັດຕາມພັນທະສັນຍາການຜະລິດທີ່ມີຢູ່.
ແຫຼ່ງທີ່ມາ: ຂກທ
ວັນທີ 23/02/2026