ເຮືອດຳນ້ຳບໍ່ມີຄົນຂັບ ຂອງ ຈີນ ປະສົບຜົນສຳເລັດ ດຳລົງທະເລເລິກ 6.000 ແມັດ
ເຮືອດຳນ້ຳ “ໄຫສິນ ”
ວັນທີ 23 ສິງຫາ 2025 ເຮືອດຳນ້ຳ “ ໄຫສິນ ” ຄວບຄຸມໄລຍະໄກບໍ່ມີຄົນຂັບສາມາດດຳລົງທະເລເລິກ 6.000 ແມັດ ທີ່ຈີນຄົ້ນຄວ້າ
ຜະລິດເອງ ເມື່ອໄດ້ດຳເນີນການທົດສອບເປັນເວລາ 8 ຊົ່ວໂມງໂດຍໄດ້ດຳລົງທະເລເລິກ 4.140 ແມັດ ໄດ້ກັບຄືນຢ່າງປະສົບຜົນສຳເລັດ ເຊິ່ງ
ເປັນການເພີ່ມ “ ເຄື່ອງສຳຫຼວດທາງວິທະຍາສາດທີ່ສຳຄັນ ” ໃຫ້ແກ່ການຄົ້ນຄວ້າທະເລເລິກຂອງຈີນອີກຢ່າງໜຶ່ງ.
ເຮືອດຳນ້ຳ “ ໄຫສິນ ” ໄດ້ ຮັບການຄົ້ນຄວ້າຜະລິດໂດຍສະຖາບັນວິສະວະກຳໃຕ້ນ້ຳ ມະຫາວິທະຍາໄລຈ່ຽວທົ່ງຊຽງໄຮ້ຈີນ, ໄດ້ຕິດຕັ້ງອຸ
ປະກອນສຳຫຼວດທາງວິທະຍາສາດ ເຊັ່ນ: ກ້ອງຖ່າຍວີດີໂອທີ່ມີຄວາມລະອຽດສູງ, ແຂນກົນອະເນກປະສົງ, ຕົວຈັບສັນຍານການຢັ່ງແທກ ແລະ
ອື່ນໆ. ລະຫວ່າງວັນທີ 20-21 ສິງຫາ ຜ່ານມາ, ເຮືອດຳນ້ຳ “ ໄຫສິນ ” ຍັງໄດ້ທົດສອບການດຳລົງທະເລ 320 ແມັດ ແລະ 1.600 ແມັດຕາມ
ລຳດັບ, ໄດ້ເກັບຕົວຢ່າງເຊັ່ນ: ສັດ ແລະ ພືດທະເລ, ຫີນໃຕ້ທະເລ ແລະ ອື່ນໆ ເພື່ອນຳມາໃຊ້ໃນການຄົ້ນຄວ້າວິທະຍາສາດ.
ແຫຼ່ງທີ່ມາ: ຂກທ
ວັນທີ 26/08/2025